Mujhe sports me intereste tha aur mai Martial Art me black Belt bhi hu...
Maine Cabin Crew ki study ki Cambridge University (London) se aur Advance fitness, Sports Nutrition and Dietitian ki study bhi ki aur in sab me Top rank haasil kiya....
Magar mujhe bachpan se hi Acting ka shauk tha aur mai school time pe Theater's (play) kiya karta tha... Kab ye acting ka shauk, junoon me badal gya pata hi nahi chala....
To maine thaan liya ab Actor hi banna hai.... Meri Mother ne mera pura support kiya aur studies ke baad mujhe mumbai jaane ki permission mil gai....
Maine mumbai(maya nagri) ke baare me bahut kuch suna tha aur ye bhi suna tha ki maut aur mumbai se koi laut ke nahi aata....Jab mai pehli baar mumbai pahuncha to mumbai ke baare me mujhe kuch nahi pata tha, kisi ko jaanta bhi nahi tha waha pe aur Acting ke liye kya karna hai, kisse milna hai kuch nahi pata tha.... Apne dum pe kuch karna tha isliye ghar se jyada financial support bhi nahi liya aur iski wajah se mumbai me kaafi saari problems face karna pada...Kuch waqt ke liye ek pub me bouncer ki job bhi karni padi....
Din ke waqt production house ke chakkar kaatna aur raat ke waqt job karna, kaafi waqt tak yahi silsila chalta raha...us dauran life me kaafi kuch sikhne ko mila aur bachpan se jo cheeze asaani se mil jaati thi un cheezo ki value pata chali.....
Bachpan me Hamesha 2 kadam bhi jaana ho to car khadi milti thi, to paidal chalna kya hota hai wo us waqt pata chala...wo kehte hai na ki bhookha pet aur khaali jeb insaan ko bahut kuch sikha deti hai....
Ye silsila chalta raha phir ek din mujhe DD National ki ek Telefilm me kaam karne ka mauka mila...mera kaam Director aur Producer ko pasand aaya jiske baad back to back mujhe DD national ki movie's milti chali gai aur 22 filmo ke kaam karne ka mauka mila...
Inme se meri favorite movie thi 'Pheriwala' jisme maine ek pagal ladke ka kirdaar nibhaya tha aur yahi movie audience ki favorite bhi ban gai aur ye National award ke liye nominate bhi hui...Uske baad meri pehchaan kuch serials ke directors se hui aur maine CID, Fear Files series, koi aane ko hai etc serials me lead role kiya....
Magar mera sapna khud ko bade parde pe dekhne ka tha aur mai TV actor nahi banna chahta tha isliye maine TV ke kuch bade offers ko mana kar diya aur puri tarah se films Karne me focus kiya....
Lagataar mehnat karte rehne se mujhe film's mil gai...
Maine 'Game of Ghost' 'Devil' aur 'Hasmukhlal' jaisi film's ki jo ki jald hi All over india release hogi.....
In sabhi me mera lead role hai....
Mera Aane wala project 'POK' hoga jiski shoot jald hi start hone wali hai aur isme bhi mera lead role hoga....
Ye ek Comedy film hogi...
Jo youngsters Actor banna chahte hai unse mai bas yahi kehna chahunga ki hamesha bade sapne dekho aur unhe poora karne ke liye khoob mehnat karo...
Acting ko apna passion banao, Acting ke liye jeena sikho... Success ke peeche mat bhaago, khud ko itna kaabil banao ki success khud humare peeche aaye, aapko zaroor safalta milegi...
Post A Comment: